भारतलाइ गाली गर्नुभन्दा आफु स्वाभिमानी बन्न सिकौं

विनोद पौडेल

यतिबेला सामाजिक संजालमा पानीपुरी बेच्ने एकजना मधेसी वर्णका युवाको फोटो भाइरल बनेको छ । फोटोमा भुइँ भरि पानीपुरी तयार गर्ने सामग्रीहरु छरपस्ट पोखिएका छन् भने ति युवा पोखिएको सामान समाल्दै छन् । देख्दै मायालाग्दो त्यो तस्विरमा लाइक कमेन्ट र सेयरको श्रीङ्खला चलेको छ । कतिपयले स्यावास नेपाली दाजुभाइ यो धो*तीको पानीपुरी पोखिदिएर ठिक गर्यौ भन्ने कमेन्ट गरेका छन् भने कसैले यो भारतिय नागरिक हो यसलाइ यसरीनै लखेट्नुपर्छ भनेका छन् । यसो गरिरहँदा कसैले पनि एउटा मानवियता र धर्म ख्याल गरेका छैनन् । दिनभरि पानीपुरी र चटपटे बेचेर ‘सुका’ र ‘मोहोर’ समाल्दै आफ्नो विहान बेलुका हातमुख जोर्ने ति युवालाइ देख्दा हाम्रो मनले उनीप्रति सहानुभुती जनाउनु पर्थ्यो, माया र सद्भाब दिइनुपर्थ्यो तर त्यसको ठिक उल्टो एउटा आफ्नो श्रम गरेर खानेलाइ हामीले गाली गलौज र तिरस्कार गरेका छौं, हाम्रा सामाजिक संजाल उनकै फोटो राखेर #व्याकअफइन्डिया लेखेका छौं । विचरा ति युवा नेपाली नागरिक हुन् अथवा भारतिय त्यो हाम्रो सरोकारको कुरा भएन, उनले त आफ्नो काम गरेर खाएका छन् । भारतले नेपालमा राजनैतिक हस्तक्षेप गर्नुमा विचरा ति युवाको के दोश र हामीले उनको श्रम खोस्दै गालि गलौज गर्ने? यसरी नै चोकचोकमा कपालकाट्ने, शहरको एउटा कुनामा मिठाइ बनाउनेहरु, र हाम्रा घर रंगाउदै गरेका भारतियहरुलाइ भारत फर्क भन्दै लखेट्न थालियो भने हामी कहाँ पुगौला र हाम्रो तिनीहरुसँग अहिले भएको घनिष्ठता कहाँ पुग्ला? एक पटक सोचौं त हामीहरु पनि देशमा रोजगारी नहुँदा श्रम गर्न भारत मात्रै हैन त्यो भन्दा हजारौ गुणा टाढाको दुरिमा पुग्न बाध्य छौं । आफ्नो श्रम गरेर खानेलाइ तिरस्कार गर्ने हो भने हाम्रो के हालत होला?

लामो प्रतिक्षा र कसरत पछी देशमा संविधान बनेको छ, त्यो पनि एेतिहासिक संविधानसभाबाट ९१ प्रतिशत जनप्रतिनिधीको समर्थनमा । दुनियामा कंही संभव नभएको कुरा हामीले संभव गराएर उदाहरण बनेका छौं । नेपालको संविधानको विश्वले स्वागत गरेपनि भारतले समर्थन गर्न हिचकिचाएको छ । कारण उसका नेपालमाथी थुप्रै स्वार्थ छन्, नेपाल बलियो भयो भने नेपालबाट पाइने फाइदाहरु नपाउने त्रास छ भारतसँग । त्यसैले कुनै पनि बाहनामा संविधान जारी गर्न नदिने अथवा लागुभए पनि भारतको हितमा मात्रै हुने उसको स्वार्थ छ । तर भारतको त्यो स्वार्थको विरोधमा हामीले भारतिय नागरिकलाइ ढुंगामुढा गरेर समस्याको समाधान गर्न खोज्नु हाम्रो मुर्ख्याँइ हो । हामी मानव हौ, त्यो भन्दा पनि हामी नेपाली हौं । हाम्रो संस्कार र संस्कृतिले अरुको घृणा हैन सम्मान गर्न सिकाएको छ । त्यसैले भारतको राजनैतिक प्रतिशोधमा त्यहाँका जनतालाइ ढुंगा नहान्ने की?

संविधान बनिसकेपछी नेताहरुले भाषण गरे, भारतले नाकाबन्दि गरेपनि हामी नेपाली बाँच्न सकिन्छ भन्दै कुर्ले । हामी नेताकै पछीपछी तालि बजायौँ । फेसबुक ट्वीटरमा स्वभिमानी नेपालीको दुहाइ दियौं, गोर्खाली हौं भन्दै छाति ठूलो बनायौं, र भारतको खिलाफमा उत्रीयौँ । भारतको गाली गर्ने नेतालाइ वाही वाही गर्यौ । तर त्यसो गरिरहँदा सोचेनौ, हामीले खाने चामल देखि दाल, तरकारी, नुन, तेल, मसला, चिनी, मुख धुने साबुन, पानी सफा गर्ने फिल्टर र पानी तताउँने ग्याँस सम्म त्यही भारतबाट आउँछ ।लामो समय कल्पना नगरौं मात्र दश दिन भारतले दैनिक उपभोग्य बस्तुहरु निर्यात बन्द गरिदिनेहो भने हामी भोकमरिले छटपटाउने छौं । करोडौँको गाडीमा चढ्ने नेताले खुलामन्चमा “हामी नेपाली साइकल चढ्छौँ” भन्दै गर्जँदा ताली बजाउने हामीले सोचेनौँ “२ दिन भारतले तेल बन्द गरिदियो भने हाम्रो भएको जागीर चट हुन्छ, सामान्य विरामीको उपचार अभाबमा अकालमा ज्यान जान्छ।”

भुपरिबेष्ठित देश, प्रयाप्त स्रोत र साधनको कमी, ढुवानीमा समस्या, लगायतका कारणले दैनिक जिवनयापन देखि विकास र पुनर्निर्माण सम्मको लागी कि दक्षिण गुहार्नु पर्छ कि उत्तर । हवाइयातायतमा सामान ढुवाली गर्नकोलागी पनि सुविधा सम्पन्न हवाइसेवा छैन नेपालसँग । यस्तो कठिन स्थिति भएको देशमा जनताको भोगाइ मन्चमा गएर भाषण गरेको जस्तो सहज छैन । भारतले नाकाबन्दि गरे चीनबाट ल्याइन्छ भन्ने विकल्प हुन सक्छ । तर आँखा झिमिक्क गर्दा चीनवाट दैनिक उपभोग्य बस्तु ल्याउन सम्भब छैन । त्यसको लागी बाटोघाटो र नाका खुलाहुनुपर्छ । र चीनबाट ल्याइ हालेपनि भोली दिगो नहुन सक्छ । अहिले भारतले हेप्यो भने भोली चीनले पनि हेप्नसक्छ । चीनपनि फरक देश हो, उसको स्वार्थ विना हामीलाइ सहयोग गर्छ भन्ने भ्रममा नपरौं । पहिले आफु आत्मनिर्भर हुनुपर्छ । अर्काले देला र खाउँला भनेर देश कति चलाउनु? देशका भएका कारखाना बन्द गराउने, आन्दोलन र बन्द हड्ताल गरेर युवालाइ खाडीमा धकेल्ने अनि भारतको विरोध गरेर राजनैतिक उचाइ खोजेर मात्रै हुदैन ।

बुद्धिमान नेताले टुडिखेलमा भाषण हैन, भारतसँग बार्ता गरेर समस्याको समाधान गर्छ । यदि देश विकास गर्न प्रचन्डले भाषण गरेजस्तो सजिलो भैदिएको भए हामी अहिले विश्वको पहिलो सम्पन्न राष्ट्र भइसक्थ्यौं होला । तर विकास र समृद्धि भाषण जस्तो सस्तो र सजिलो छैन । भाषण गरेर एक पटक चुनाव जितिएला, तर दिगो राजनैतिक सक्रियता र जनमतको लागी देश र जनताको बारेमा सोच्नुपर्छ । केपी ओलीका उखान टुक्काले काम गरिदिएको भए अहिलेसम्म हामी कति विकसित र चेतनशील हुन्थ्यौं होला? विचरा शुशिल कोइरालाको त न बोली, न काम । उनीबाट के आशा गर्नु?

हामीले आफैले चुनेका प्रतिनिधीले संविधानसभाबाट संघिय गणतान्त्रीक नेपालको संविधान पाएका छौं । अब एउटा अध्यायको अन्त्य भएको छ, अब आन्दोलन र अधिकार भन्नु भन्दा विकास र ममृद्दी तिर लाग्नुपर्छ। जब देश समृद्द हुन्छ तब सबैले अधिकारमा महशुस गर्छन् । संविधान बनाएर देशलाइ घाटा भएको छैन, यसलाइ स्वागत गरौं । यो हामी सबैले बनाएको संविधान हो । संविधान बन्नुको श्रेय जति प्रधानमन्त्री शुशिल कोइरालालाइ जान्छ, त्यति नै एमाले अध्यक्ष खड्ग प्रसाद ओली र माओबादी अध्यक्ष पुष्पकमल दाहाललाई जान्छ । विगतमा आफ्ना माग तेर्साएर सदन अबरुद्ध गर्ने मधेस केन्द्रित दलहरुले पनि संविधान बन्ने बाटो खोलिदिएका हुन् । उनीहरु अधिकारको लागी संविधानसभा घेरेरै बसेका हुन्थे भने दोस्रो संविधानसभाले त्यति सहज ढंगले संविधान पारित गर्ने सम्भावना थिएन । मधेसी नेताहरु त तिमीहरु संविधान बनाउ हामी जनतासँग ठिक्क पार्छौं भने जसरी सडकमा गए । संविधान सभामा धर्ना दिनु भन्दा भारतिय दुताबासमा धर्ना दिए । त्यसकारण यो संविधान बन्नुको श्रेय तीन ठूला दलका नेतालाइ भन्दा पनि मधेस केन्द्रित नेताहरुलाइ जान्छ ।

अरुलाइ दोश दिएर भाषण गर्नु भन्दा पहिला आफू सम्पन्न हुन सक्नु पर्छ । अब हामीले हाम्रा तालिलाइ खुम्चाउँनु पर्छ । जब नेपाल सम्पन्न हुने छ र नेपालले भारतबाट दैनिक उपभोग्यबस्तु किन्ने होइन भारतलाइ बेच्ने सामर्थ्य राख्नेछ तब हामीले यस्ता प्रकृतिका भाषणमा तालि बजाउँला । अहिले संविधान कार्यन्वयन गर्न मद्दत गरौं, आफू अधिकार भन्दै ढुंगामुढा गर्नु भन्दा आत्मनिर्भर र स्वभिमानी बन्न सिकौं । कसैले देला र खाउला भन्नु भन्दा आफ्ना नङ्ग्रा खियाएर खान सिक्यौं भने हामी केहीबर्षमै भारत भन्दा सम्पन्नशाली हुने छौ । त्यपछी भारत हामीसँग सहयोग माग्न आउनेछ । अनि भारतको नाका बन्द गर्ने नगर्ने हाम्रो कुरा !!

Twitter@tejbinod

Advertisements

19 thoughts on “भारतलाइ गाली गर्नुभन्दा आफु स्वाभिमानी बन्न सिकौं

  1. ठीक कुरा व्यक्त गर्नु भाकोछ भाईले । हामी पहिला स्वाभिमानी र अनुशासित बनौं । भारतले नाकाबन्दी गर्दैछ भन्ने हल्ला चल्ने बित्तिकै स्टकमा भएको इन्धनहरु लुकाएर अभाव सृजना गरि कालोबजारी गर्ने हामी नेपालीले पहिले आफ्नो ब्यबहार लाई परिवर्तन गर्न जरुरी छ ।

    Liked by 1 person

  2. ati ramro bichar ho…asambhav kehi xaina …pahila aafu aatmanirvar bannu parcha .development garne tibra ichha sakthi ra testai goverment hunu paryo…hawadari kuraharuma taali bajaunu murkhata ho.

    Liked by 1 person

  3. ekdum ramro bichar …..hami sabaile ahi soch bichar le afno karma ma lagi parne ho vane hamro desh testai banxa jasto hamro neta haru ko vasan ma hunxa 10 barsa ma …….

    Liked by 1 person

  4. हामिहरुले यो देश उ देशको भन्नुभन्दा पनि मानबताको नाताले हेर्ने जरुरी छ तपाईंले १००प्रतिशत सहि कुर गर्नुभयो

    Liked by 1 person

  5. Sahi kuro.
    Ramro le thau napaune desh hamro nepalma yetiko ramro stambha padhna pauda khusi ta chhu tar sambandhit thauma bhayeko manchheharule bujhdainan bhane tapai ra maile matrai bujher pani kam chhaina. kinanki yo naya nepalko euta joker matrai banauchhan yaha manish haru. Aaba ta dherai bujhne bhaisake yaha sabai manish haru jasari pani aafno kura nai sahi aafnai thau ramro ki ( mai hanuman,merai lamo puchchhar) ek² manishko manmaa bhitra chhan yesta kura …
    Not::- jatiyetaale hoina ekatale hami ani hamro nepalipanko pahichan dinchha!!!!

    Liked by 1 person

  6. सबभन्दा पहिलो कुरो त्यों तस्बिर कोई नेपाली युवा ले लडाएको सामानको तस्बिर होइन।
    त्यों नेपालकै कालो दिन महाभुकम्पको बेलाको हो।

    त्यो फोटो बाट धेरैले जानी वा नजानी गलत मेसेज प्रवाहित गरिराखेका छन।

    स्वाभिमानी बन्ने कुरो चै ठिक हो।
    आज भारतले बंद गर्यो भोली चाइनाले पनि गर्ने छ त्यसैले आजै देखि स्वभमानि बन्ने कार्यहरु गरिओस।

    उद्योग धंदा ,कृषि,सिचाईं जलस्रोत हाइड्रोपावर मा लगानी लगाइयोस् र उचित सहयोग ,ब्याजदर र प्रतिफलहरु सुनिश्चित गरिओस।
    रेमिटेंस को नेपालमा लगानिको उचित ब्यबस्था गरियोस।

    Liked by 1 person

  7. China le sahayog garchhu bhanda usko pani nihit swarth chha bhanne birsinu hundain.. 1 din ko lagi tato pani nakam ghumna jada Chinese police hami sang kasto byawahar gardachha sabailai thaha bhayekai kura ho… India le Sikkim lai misaye jastai China le Tibbet lai khayekai ho.. duabi desh ko Ankha Nepal ma lageko chha… we sould be careful.. from both

    Liked by 1 person

  8. Dherai ramro analysis.. Hamra netaharu le yek choti padehema uniharu ko dimag khulthiyo.. charka nara le matra desh bane ho bhane aaja des singapore banthiyo…. Bibek jee lai yo article lekhnu bhayema dherai dyanbad cha

    Liked by 1 person

  9. Sahi bhannu bho frn.Khai bujheka Nepali janta le kahile k kahile k nihu liyara sadakma utrane kaam matra bharkharai bhukampa bata pidit bhayako ghau Niko nahudai anikal ra bivinna samasya ko nimto. Aafno ghar sisai sisako banayara chimeki ko ghar ma dhunga le hanne kaam gare jasto bhaihayo ni.plz barta garau India ko lagi naramro nabhannus hamra kati aafanta tyaha gayara kaam garxan hamro byapar byabsaya thappa hunxa plz samsya ko biu nagadnus.

    Liked by 1 person

  10. Mathi vannu vako kura thik ho.. hamle aafno kaam garera khanelae (indian nai kina na hos) tiraskar garnu hunna. Aafno sip le gari khane aadhikar jaako ni xa…tara jun chitrako barema mathi barnan gariyo tyo pani puri balalae bastab ma na kasaele kuteka thiye na kasaele k gare.. tyo tah baishak 12ko earthquake aaye paxi ko ho . Jaslae kasaele upload garera captionma aapasik sadvav vadkine kura lekhera viral garyA ho……

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s